(ARDAULI, crepuscolo dell’acqua muta:
canzone per l’acqua, il fuoco, l’erba e le stagioni)
A bortas s’abba es muda
a bortas canterina
lughet in sa pischina
curret in sa campagna
tronat dae sa muntagna
cun undas de terrore
ma in rigas de suore
sunde’ sa fronte nuda
A bortas s’abba es muda
a bortas canterina
A bortas mud’ es su fogu
sutta de su chinisu
a bortas chen’ avvisu
si pesat a su ‘entu
cando zegu e violentu
brusat buscu e pastura
tremendu in sa natura
ma bellu in sa foghina
A bortas s’abba es muda
a bortas canterina
A bortas s’erba noa
istentat meda a crèschere
a bortas in d’un’ arbèschere
faet sa terra che isposa
e s’abe e sa mariposa
bolan dae frore a frore
a sole e a su lentore
in s’erba pius minuda
A bortas s’abba es muda
a bortas canterina
Fogu in donnia foghile
abba in donnia funtana
erba in tottu sa piana
e sémene ab ampra manu
s’attonzu faet su eranu
e lampadas su cabudanni
bivat santu juanni
e-i sa zente contadina
